புத்தாண்டை முன்னிட்டு பாரம்பரிய விளையாட்டு நிகழ்வு நேற்று கிளிநொச்சியில் இடம்பெற்றது.
கனகாம்பிகைக்குளம் தூயதமிழ் விளையாட்டுக்கழகத்தின் ஏற்பாட்டில் இடம்பெற்ற குறித்த நிகழ்வில் கரைச்சி பிரதேச சபை செயலாளர் எஸ். செல்வகுமார் பிரதம அதிதியாக கலந்துகொண்டு பரிசுகளை வழங்கி வைத்தார்.
மாலை 3 மணியளவில் ஆரம்பமான குறித்த நிகழ்வு இரவு நிறைவுபெற்றதுடன், பெருமளவான மக்கள் கலந்து கொண்டாட்டத்திலும், விளையாட்டுக்களிலும் ஈடுபட்டனர்.
நிகழ்வில், சறுக்கு மரம் ஏறுதல், தலையணைச்சண்டை, முட்டி உடைத்தல் உள்ளிட்ட கலாச்சார விளையாட்டுக்கள் இடம்பெற்றதுடன், பரிசுகளும் வழங்கி வைக்கப்பட்டது.
